Huling Habilin

Ako, si Steven Reyes, Pilipino, nasa tamang edad, (sa wakas ay) nakasal kay Ashley Evangelista, ipinanganak noong ika-11 ng Nobyembre 1972, residente sa Taytay, Rizal, nasa matinong pag-iisip (sa awa naman ng Diyos), na kumikilos na naaayon sa sariling desisyon at hindi dahil sa pananakot ng iba, ay nagdedeklara na ang papel na ito ang katibayan ng aking Huling Habilin, sa Filipino, na wika ko.

Idinedeklara ko na:

1. Kapag namatay ako, nais kong ilibing ninyo ang aking mga labi sa ating mausoleum sa may Maynila, hindi sa kung saan-saang patay at maruming ilog ninyo ako itatapon kung ayaw nyong multuhin ko kayo.
2. Sa lahat ng aking mga naging anak: anak kay Ashley, anak kay Linda, anak kay Teresita, Soledad at anak sa iba pa (kung meron man akong naging anak sa tuhod at talampakan), inihahabilin ko sa inyo ang halos lahat ng pag-aari ko. At iyon ay kayo. Ingatan nyo sana ang isa’t-isa.
3. Sa aking mga kapatid, Troy, James at Greg: Salamat sa pag-ako at sa pananagutan nyo kina Linda, Teresita, Soledad at sa mga naging anak namin. Huwag kayong mag-alala. Tuluyan ko na silang inihahabilin sa inyo. Sana makuntento kayo.
4. Sa aking Assistant: Katrina, maraming salamat sa iyong magandang performance sa trabaho. Dahil sayo, umunlad ang aming negosyo. Salamat rin sa pag-extra mo sa amin, kapag busy si misis. Salamat at itinago mong lihim ang ating relasyon at ang relasyon namin ng iba pa. Kung hindi lang sana ako mamamatay na kaagad, ipo-promote sana kita. Pero, hayaan mo na. Ipinapaman ko na sa’yo ang mga pinaghirapan mo. Sa’yo na ang mga papeles mo. Huwag mo na lang tapusin ang mga yun.
5. Sa administrador ng testamentong ito: Wag mo munang ipapabasa ang dokyumentong ito sa asawa ko hangga’t nabubuhay pa ako. Maaring yun pa ang maging dahilan ng pagkamatay ko. Hayaan mo, may ipamamana rin ako sa’yo. Ang asawa ko.
6. Sa aking maybahay: Ashley Evangelista, siguro kapag nalaman mo ang tungkol sa testamentong ito, ay maghuramentado ka. Pero, may karapatan ka naming magalit e. Sana lang ay mapatawad mo ako sa aking mga nagawang kasalanan sa’yo. Wala akong maibibigay, maibabahagi o maipamamana sa’yo. Bukod sa puso ko. Kahit hindi kita masyadong napakain ng husay, nawa’y nabusog kita ng pagmamahal. Mahal kita.

Lahat ng nabanggit sa itaas ay pawing katotohanan lamang. Promise!

Sgd.

Steven Reyes